Einkenni:  Lappajaðrakan er aðeins minni en jaðrakan og er auðgreindur frá honum á svolítið uppsveigðu nefi, þverrákóttu stéli, skolhvítum gumpi og mikið styttri fótum, sem ná naumlega aftur fyrir stélið.  Hann er auk þess án hvíts vængbeltis.  Sumarbúningur karlfuglsins er sterkrauðbrúnn, helst á höfði, hálsi og bringu, en kvenfuglinn er mikið óásjálegri og virðist grámóleitur úr fjarlægð.  Í vetrarbúningi eru bæði kynin mjög ljós, gráflikrótt að ofan og hvítleit að neðan.  Ungfuglarnir eru gulbrúnni og rákóttari á bringu.

Fæða:  Skordýr

Kjörlendi:  Yfir vetrartímann venjulega í fjörum, oft í þéttum hópum í flæðarmáli.

Fræðiheiti:  Limosa lapponica

Lengd:  33 – 41 cm

Þyngd:  190 – 400 gr.

Vænghaf:  62 – 72 cm

 

Varp og ungatímabil

Verpur í mýrum og flóum í grennd við skógarmörk eða norðan þeirra.

Varptímabil:  Verpur í júní

Fjöldi eggja:  4

Liggur á:  Bæði kyn liggja á eggjum í 20 – 21 dag

Ungatími:  Ungar fara fljótlega úr hreiðri og læra að afla sér fæðu sjálfir, þeir verða svo fleygir innan ca. 4 vikna.

Dvalartími á Íslandi:  Flækingsfugl á Íslandi

Heimildir:
2017 18.okt. Grein: “Bar-tailed godwit”.  Vefsíða: http://www.luontoportti.com/suomi/en/linnut/bar-tailed-godwit

Roger Tory Peterson, Guy Mountford, P.A.D Hollom, Finnur Guðmundsson. (1964).  Fuglabók AB, Fuglar Íslands og Evrópu.